Quiciabes la meyor manera d’amosar la bayura del folclore asturianu seya al traviés de les muestres que l’asociación desendolca como un espectáculu integral nel que música y baille acomuñen pa ufiertar un espectáculu nel que’l protagonismu lu tien la tradición. Delles muestres tienen calter xeneral percorriendo estilos y ritmos de tol territoriu y otres son monográfiques, centrándose bien en manifestaciones tradicionales y la so diversidá nel territoriu o nel folclor propiu de dalguna fastera d’Asturies.
