Entamamos nel 2008 una actividá anual que nació como una tarde de baille llibre, fuera d’escenariu y abierta a tol que quisiera averase. Nos años siguientes convidamos a persones, grupos o collectivos d’otres comunidaes col enfotu de conocer más la so cultura y así sumáronse más actividaes: charres pela mañana, taller de baille pela tarde y espicha pela nueche.
Y así nel 2009 convidamos a Mayalde (Salamanca) y seguimos los años siguientes con Mauricio Molina, Brañaflor (Cantabria), Carlos Santos y Javier Emperador (Llión), Bajo Duero (Zamora), O Tear de Llerena (Pontevedra), Aiko Taldea (Euskadi), Somerondón (Aragón), Abuela Santa Ana (Albacete), Reyes León y Alberto Rodriguez (Sevilla).
Estos Alcuentros convirtiéronse en cita anual de reunión con munchos de los amigos d’otres comunidaes.
