Otra de les estayes que Vezos Astures vien trabayando dende’l so entamu ye l’estudiu y l’espardimientu de la vistimenta popular asturiana. Esi enfotu nel paxellu tradicional fíxonos proponer, xunto colos collectivos Agrupación d’Etnografía y Folclor Reija de Llangréu y Andecha Folclor d’Uviéu, al Muséu del Pueblu d’Asturies unes xornaes sobre la vistimenta tradicional que llevaran el nome de Luis Argüelles y que tan ufiertando los sos resultaos n’estremaes publicaciones sofitaes pol Muséu del Pueblu d’Asturies.
El 13 de Mayu de 2023 cellébráronse les I Xornaes d’estudiu del paxellu asturianu «Luis Argüelles» dedicaes al dengue.
