Viernes, 01 Noviembre 2013 13:08

O Tear de Llerena nos VI Alcuentros

O Tear de Llerena O Tear de Llerena

 

El grupu de pandereteiros O Tear de Llerena xurde como formación estable nel añu 2001 na ciudá de Pontevedra. Al traviés d'él, van dando a conocer parte del importante Archivu de tradición oral que ellos mesmos van confeccionando dientro la asociación del mesmu nome.

 

A lo llargo los siguientes años, O Tear de Llerena van llevando la so música por mui estremaos llugares de la xeografía gallega y tamién fuera d'ella, llegando a tocar en festivales de renome como L Burro i l gueiteiro en Miranda de l Douro (Portugal) o el Toxos e Xestas de Barcelona.

Nel añu 2005 editan el so únicu trabayu discográficu dica agora, tituláu "...a Jennifer".


A Xixón traerannos en primer llugar información abonda sobre un ritual del que tovía nun hai apenes estudios fechos y sobre'l que dellos componentes de O tear de Llerena lleven investigando intensamente nos caberos años: "A i-aña". Ye asina como se conoz nuna zona del interior-sur de la provincia de Pontevedra, nel entornu la comarca de O Condado, a una serie de costumes alrodiu la siembra'l maíz que incluyen baille y canto acompañao del soníu les fesories, equí llamaes "leghóns".
Darannos pela mañana una charra y pela tarde una clase práutica de baille galego en relación al "baile do ramo" que acompaña en dellos llugares el ritual de "a i-aña".

Más en esta categoría: « VI Alcuentros Gracies »