Miércoles, 22 Julio 2015 22:56

Muestra de folklor de la marina

El Conceyu de Cultura Tradicional Vezos Astures vamos ufiertar el miércoles 29 de xunetu, nel Antiguu Institutu Xovellanos de Xixón a les 22:30 hores, –dientro de la programación del Festival Arcu Atlánticu–, una muestra de folclor de La Marina Asturiana.

La Marina –o la Mariña– ye un espaciu xeográficu qu’inclui dos tradiciones culturales hermanes pero diferentes: una, propia de Villes y pueblos marineros como Llanes, Llastres, Tazones o Cuideiru, y otra, que representa a les aldees de la costa asturiana d’economía agraria y ganadera. Na muestra van tar representaos cantares, bailles, dances y indumentaria de toa Asturies, d’oriente, centru y occidente.

Nel casu de les vestimentes, van poder vese xuntes manifestaciones bien estremaes: como por exemplu traxes rituales d’aldeana propios de la villa de Llanes, traxes de trabayu de los marineros y de los puertos de mar o los traxes de trabayu y de gala de les aldees.