Material didáuticu pa docentes

A lo llargo de los años venimos desendolcando una llabor d'espardimientu ente los escolinos de la nuesa cultura tradicional. Estos materiales son el resultáu de tou esi trabayu, tan iguaos polos miembros de Vezos Astures y nagüen por ser una ferramienta afayaíza p'averase a dos de les estayes de la nuesa cultura, la indumentaria tradicional y les mazcaraes d'iviernu.

Ye de baldre pero por favor, respeta la so autoría. Gracies

El traxe tradicional asturianu 

Unes mariquines del tamañu d'un neñu sírvennos p'amosar a los escolinos cómo ye y cómo se viste'l traxe tradicional asturianu. El maestru o profesor tien tola información nestes fiches que s'axunten amás de dellos exercicios afayaízos pa los estremaos niveles educativos dende infantil fasta secundaria

Anguaño pue topase esti material nel CPR Xixón-Oriente a disposición de los centros y educadores que lo solliciten.

Archivos: 

Cuadernu_profesores_indumentaria.pdf (10.96 Mb)

Cuadernu_Trabayu_alumnos.pdf (11.64 Mb)

Os reises, as mazcaradas d'inverno

Como complementu al DVD "Os Reises, ua mazcarada d'inverno" ellaboramos esti material complementariu nel que ufiertamos información al profesoráu sobre la mazcarada, los personaxes, los preseos qu'usen, etc, al tiempu que se planteguen delles actividaes pensaes tamién pa los estremaos niveles educativos.

Pues consultar información sobre'l DVD nel apartau "Mazcaraes d'inviernu".

Archivos: 

Cuadernu profesores Os Reises.pdf (7 Mb)

Cuadernu_Trabayu_alumnos.pdf (6.16 Mb)

 Nun ta permitíu l'usu comercial de la obra orixinal nin de les posibles derivaes,

L'espardimientu de les mesmes tien de facese cola mesma llicencia que rixe pa la obra orixinal