Noticies (60)
III Xornaes de dances del mundu
El prósimu domingo 28 de Setiembre nel Museu del Pueblu d'Asturies entamense a lo llargo de tol día les III Xornaes de dances del mundu onde podrán aprendese folklor y bailes de diferentes países.
De 11 a 12 h: taller de dances ruses
De 12 a 13 h: taller de bailles europeos
De 13 a 14 h: taller de baille asturiano
De 14 a 16 h: a reponer fuerces con la xinta pel prau
De 16 a 17 h: taller de polka y valses asimétricos
De 17 a 18 h: taller de dances de mundu
Semeyes de Bitácora
Ya podeis ver na galería les semeyes de la Amuesa de Folklor de la Marina que ficimos nÀvilés el pasau 9 d'Agostu. Esta vegada Ramón non tuvo enriba del escenariu y fizo un reportaxe bien guapu.
Esperamos que vos preste tanto como a nós.
Folklor na mariña asturiana
Dientro del programa Bitácora de la II Selmana de la mar en Avilés, vamos ufiertar una amuesa del folclor de la mariña asturiana. La manera vistir, los cancios y los bailles de la xente de la fastera la mar...
Sábadu 9 de Agostu nel escenariu del paseu de la ría d'Avilés a les 20 h.
Llaciniegu
El sabado 12 de Xunetu taremos nel Llaciniegu en Porrúa (Llanes), como dende fai unos años, con los xuegos tradicionales y un taller de baille dende les 16:30 hasta les 19:00
Traxes antiguos per Llanes II
El pasau domingo 15 de Xuno organizose en LLanes una "Llaniscada" un paseu per LLanes de persones ataviaes con traxes y reproducciones de pieces de finales del XIX y principios del XX.
Quedó buena imaxen de lo que se vió nel tremendu reportaxe de Jon Quintano Guillate www.jonquintano.com
Traxes antiguos per Llanes
El domingu día 15, a partir de les 11 de la mañana, fadráse la "I Llaniscada": un paseu pol cascu históricu de Llanes, de 21 persones vestíes con traxes tradicionales del Oriente d'Asturies de finales del s. XIX y principios del XX. Ye una ocasión única de ver pieces salíes de les arques y reproducciones de otres orixinales, que pol su deterioru non pueden ponese.
MANIFESTACIÓN: ¡L'ASTURIANU, LLINGUA OFICIAL!
MANIFESTACIÓN: ¡L'ASTURIANU, LLINGUA OFICIAL!
Con motivu del Día de Les Lletres Asturianes, el Vienres 9 de mayu, a les 19:30 h. Dende La Estación del Norte hasta'l Teatru Campoamor (Uviéu).
Maragatada en León
El prósimu domingu 6 de abril los "Amigos de traje maragato" xúntense en León pa facer una muestra de traxes y bailes maragatos.
Ye una ocasión única de ver pieces de indumentaria orixinales así que hay que tar na plaza del Obispo Marcelo a les 12 de la mañana.
Conferencia sobre indumentaria, masculinidad y modernización en la Asturias tradicional
Organizao por Ástura y l'Atenéu Obreru de Xixón, el próximu martes 18, a las 19:30 hores, Fe Santoveña va dar una conferencia nel llocal del Atenéu Obreru de la cai Covadonga, 7 de Xixón. Baxo'l suxeridor títulu de "PAISANOS DE PANTALÓN LARGO. Modernidad y masculinización en la Asturias tradicional" va desendolcase cómo la tresformación socioeconómica d'Asturies esplica un nuevu mou de pescanciar los xeitos de la masculinidá, alloñada del mundu campesín tradicional y espeyu del espardimientu de la burguesía y les clases obreres.
La conferencia va tar sofitada nuna coleición de semeyes históriques perinteresante.
Fe Santoveña ye llicenciada n'Historia pola Universidá d'Uviéu, llicenciada n'Antropoloxía Social y Cultural pola UNED y tien títulos Máster n'Historiografía ya Análisis Sociocultural (Universidá d'Uviéu) y n'Investigación Antropolóxica y les sos aplicaciones (en cursu). Ye una prestixosa investigadora nel ámbitu de la cultura asturiana, les condiciones de vida, les rellaciones humanes y la evolución de los factores socioculturales na Asturies tradicional.
