Noticies (60)

Viernes, 05 Junio 2015 18:22

Paxarros 2015

Esti sábadu 6 de Xuno echaremos unos bailles con el conceyu de vecinos "La Nozana" de Viella nel actu que entamen pa dayos les distinciones"Paxarru 2015" al home y la muyer de más edad de la localidad, así como al vecín más xoven.

La xente de Viella yeren conocíos nos mercaos de Siero y Uvieu por ser buenos texedores de "paxos" que les muyeres llevaben toes les semanes pa vender. Por eso, los de la zona son conocíos como "paxarros".

Nel Conceyu Vezos Astures tamos encantaos de acompañalos nesti actu y queremos dayos les gracies pol buen tratu y toles facilidaes que tamos recibiendo 

Ente'l 4 ya'l 8 de mayu celebrase en Cangas la VII Sumana de las Ḷḷetras Asturianas.


El Serviciu de Normalización Ḷḷingüística del Conceyu Cangas prepara pa la edición d'estiañu un montón d'actividades variadas. La primera d'eḷḷas vei ser la presentación de la exposición sobre mascarada asturiana: Anxelinos somos, cuartinos pidimos, a cargu de Vezos a les 19 hores del llunes 4. La exposición pué vese na Casa la Cultura Palaciu d'Oumaña

Miércoles, 15 Abril 2015 00:26

II Nueche en danza

Y la segunda va ser el viniente sábadu 18 d'abril de 2015 nel centru polivalente de Valdesoto (Siero). Esperamos que sea meyor que la primera!!

 

 

Jueves, 19 Marzo 2015 20:55

Menudu traxín

MENUDU TRAXÍN, día del traxe y el baille tradicional pa neños y neñes" ye una iniciativa con vocación de continuidá añal entamada por Vezos Astures y Reciella p'averar el traxe y el baille tradicional a lo más pequeño de la casa.

La so primer edición va celebrase esti xueves 2 d'abril nel patiu del Colexu Xovellanos de Xixón (entrada pela cai Begoña) dende les 10.30 hasta les 14.00 hores. Toles neñes y neños - y les sos families- tán convidaos a venir; col traxe o ensin él, sepan o nun sepan baillar y falen o nun falen asturianu.

Va haber talleres, xuegos, y actividaes pa deprender a baillar y pa conocer el traxe del país, too ello col oxetivu de pasar una xornada prestosa na que la reciella que tea familiarizao col baille y el traxe atope un entornu afayadizu pa rellacionase con xente de la so edá, y pa que lo que nun lo tea pueda averase y aficionase de forma lúdica a la nuestra tradición. Y amás col asturianu como llingua vehicular de les actividaes.

Tolos neños y neñes tienen que dir acompañaes d'una persona adulta. La entrada ye llibre y toles actividaes son gratuites. Nos próximos díes anunciaráse con detalle'l programa de la xornada.

Lunes, 16 Marzo 2015 01:00

Tamos entamando la segunda ..

¡MUNCHES GRACIES!

Gracies a tola xente que vos averasteis ayeri a La Nueva pa tar na Nueche en Danza. Gracies pol compañerismu, pol bon rollu, poles files, polos bailles, pol esfuerzu y l'enfotu, pola collaboración, pola amistá y poles ganes de puxar pola nuestra música y baille.

Especial agradecimientu a la Ac San Luis pola cesión del llocal y que, a pesar de la inesperada cantidá de xente que recibió la barra, tuvieron al altor de la situación. Gracies tamién a Berto de b.ALTO pol diseñu de la imaxe gráfica, a Ambás pol so enfotu na difusión d'esti eventu y les semeyes. Tamién a los grupos que prepararon pa esta primer nueche un pequeñu repertoriu que garantizara la música y el baille y a los que garraron el relevu nel escenariu llibre pa siguir.

Esta Nueche non sólo sirvió pa que les persones que llevábemos bien de tiempu esperando daqué como esto pasáremoslo podre. Sirvió tamién pa que xente del pueblu de La Nueva ficiera respigamos al ve-yos les cares d'ilusión y felicidá porque fuimos al pueblu a "baillar como enantes". Estes cares d'ilusión mezclaes colos saltos de neños bien mozos danzando xuntos nun hai dineru que lo pague.

Esperamos manes, idees, suxerencies y que vos amesteis a esti proyeutu abiertu a toos ensin esceición pa facer de les Nueches en Danza una cita a nun perder nel calendariu cultural d'Asturies.

Gracies una vegada más por tar, por apostar por esto y por da-y un poquiñin d'aire d'esperanza y renovación al folclore del país.

¡Que viva'l baille!

Jueves, 12 Marzo 2015 10:22

I Nueche en danza

Vuelven les «Nueches en danza»
A propuesta de xente que trabaya pola recuperación y difusión del folclore tradicional d'Asturies surde la idea d'entamar un nuevu ciclu de «Nueches en Danza» col envís de crear un eventu periódicu col baille y la música tradicional d'Asturies como filu conductor del mesmu.


L'espíritu de les «Nueches en Danza» en danza ye'l disfrutar cola música tradicional al estilu de les Fest Noz bretones o seráns gallegos y, sobremanera, el llevar a xente acullá los grupos de baille'l floclor vivu d'Asturies.
Coles nueches en danza non solo caltiénse viva la música y el baille popular, sinón que se crea un llugar pa la xuntanza de los vecinos y vecines del pueblu, un llugar onde falar y divertise d'una manera relaxao que, si bien pa muchos pue resultar nueva, fue la manera de relacionase durante bien d'años na sociedá tradicional asturiana.


La primer "Nueche en Danza" d'esti nuevu ciclu va facese el viniente 14 de marzu a les 22:30h nel pueblu de La Nueva en Llangréu, una vez finalizáu'l concursu de tonada qu'entama l'Asociación de Vecinos San Luis.

Miércoles, 11 Febrero 2015 11:43

Cantares de chigre na Pola

 

Esti vienres vamos entamala na Pola. Los cantares de chigre van ser los protagonistes y tamos preparándonos enforma pa ello, hai un repertoriu grandísimu y ente toles pieces de xuru que conocéis dalguna pa acompañanos. Animámosvos a toos y toes a tar con nós esi día. ¡¡Vamos pasalo podre!!

 

Martes, 20 Enero 2015 22:14

Jotes d'Asturies

La fin de selmana del 24 xineru vamos tar faciendo un taller de baille tradicional en Bilbo colos nuesos collacios d'Aiko Taldea. Fadremos un repasu peles estremaes menes de baillar la xota n'Asturies.

Viernes, 26 Diciembre 2014 11:01

Guilandos y villancicos

El sábadu 27, dende les 19:00 vamos tar pel cascu hestóricu d'Avilés amosando los reises de Valledor y otros guilandos d'Asturies amás de villancicos tradicionales.

Vamos finar na plaza España con un conciertín. ¡¡Afinái'l gargüelu y la zambomba rapazos!!!
Vémonos allá y que preste

Organizao por Ástura y l'Atenéu Obreru de Xixón, el martes 16, a les 19:30 hores, Yolanda Cerra va dar una conferencia nel llocal del Atenéu Obreru de la cai Covadonga, 7 de Xixón sobre "Les fiestes y los bandos de Llanes: entre la tradición y la innovación".

 

17/12/14

Dexamos un resumín de la charra de Yolanda Cerra publicau en asturies.com pero paeznos tan interesante que lu dexamos fiju nesta página