Noticies (60)
XI Alcuentru cola cultura tradicional
Otru año más aquí tan los Alcuentros cola Cultura Tradicional.
Esti ye el programa d'esti añu:
VIENRES 9 DE PAYARES
19:30 – Charra “Arrezos, fórmules y esconxuros na tradición asturiana” por Xosé Antón Ambás. (Centru municipal Integráu de L’Arena, Xixón)
SÁBADU 10 DE PAYARES
12:00 – Charra “La Raíz Popular del Flamenco” por Reyes León Y Alberto Rodríguez (Muséu del Pueblu d’Asturies, Xixón)
16:30 – Taller de baille “Las Raíces del Flamenco” por Reyes León y Alberto Rodríguez (Muséu del Pueblu d’Asturies, Xixón)
21:00 – Espicha (Llagar de Castiello, Xixón)
I Xornadas de Mazcaradas d'iviernu
El sábadu 17 de febreru ye la fecha de les I Xornaes de Mazcaraes d'Iviernu na Puela d'Ayande con un programa bien prestosu.
A les 13 h. ábrese la nuestra esposición de Mazcaraes que va tar abierta hasta el 3 de marzu na Casa Cultura de la Puela..
Si quereis saber un poco más, podéis pasar pola páxina que tenemos dedicada a elles.
X Alcuentru cola cultura tradicional
X Alcuentru cola cultura tradicional
Otru añu más ta equí el Alcuentru cola Cultura Tradicional.
Esti añu cellebramos el décimu aniversario. Por eso, invitamos a siete asociaciones culturales de tola península, vamos tener una charra el vienres tamién y na espicha va haber sorpreses...
Programa:
Vienres 3 de payares:
19:30- Charra "El pericote 100 años después" por Yolanda Cerra y Santiago Galguera. Nel centru municipal Xixón Sur en Xixón.
Sábadu 4 de payares:
Talleres de baille:
10:45 - Colectivu Brañaflor (Cantabria)
11:45 - Aiko Taldea (Euskadi)
12:45 - Serano (Llión)
13:45 - Peis d'hos (Galiza)
14:30-16:30 Parada pa xintar
Talleres de baille:
16:30 - Bajo Duero (Zamora)
17:30 - Somerondón (Aragón)
18:30 - Abuela Santa Ana (Albacete)
Talleres nel Muséu del Pueblu d'Asturies, Xixón.
21:30 - Espicha nel Llagar de Castiello.
Si queréis acutar sitiu pa la espicha podéis llamar o mandar un Whatsapp al 634529716, o tamién mandar un corréu a Esta dirección de correo electrónico está protegida contra spambots. Usted necesita tener Javascript activado para poder verla. .
Cantares de chigre en Cangas de Narcea
El 8 d'abril vamos de cantares polos chigres de Cangas de Narcea. Entama la nueite a les 9.. arrímate y echa un cantarín!
Cancios de chigre na Pola Siero
El vienres 24 de febreru vamos tar dende les 21 hores na taberna "El cuévanu" de la Pola Siero participando nos Cancios de Chigre por tercer añu. Esti añu son un homenaxe al compositor Baldemoro Fernández.
Así que ya sabéis: si vos apetez echar un cantar al pie la barra.. allí taremos.
Los sones de la Navidá asturiana
Los sones de la Navidá asturiana
Volvemos xuntanos pa cantar aguilandos ya villancicos en GRAU. El miércoles día 4 de xineru a les 20:00 na Casa la Cultura.
Vamos compartir sones con el grupu Reija de Llangréu, Escontra'l Raigañu, La Fonte La Faya d'El Faidal, La troza de Cuideiru, Xeitu d'Uviéu, Xente de Blimea, Ambás, Ramsés ya Dolfu ya Los Dalton.
Bailla na Plaza
El grupu de Grupu de Baille Tradicional "San Félix de Candás" entama un sábado más BAILLA NA PLAZA y esta vez invítanos a participar con ellos.
El baille ta dirixíu a toes les persones que quieran bailar y a la vez tien un fin solidariu, esta vez a favor de la FUNDACIÓN EDES.
Norabona al grupu San Félix pola iniciativa y munches gracies por contar con nosotros.
IX Alcuentru cola cultura tradicional
IX Alcuentru cola cultura tradicional
El 12 de payares va tener llugar en Villaviciosa el IX Alcuentru cola Cultura Tradicional. Nesta ocasión, la xornada ta dedicada a Albacete y, cómo non, a Asturies.
L'alcuentru va mantener el mesmu formatu que n'años anteriores. Asina, pela mañana van celebrase delles charres nel Teatru Riera de Villaviciosa a cargu del grupu Abuela Santa Ana, pa dar pasu pela tarde a un taller de baille na plaza cubierta de la villa y, a una muestra de baille a cargu de Vezos Astures y Abuela Santa Ana nel teatru Riera.
Yá de nueche, terminase la xornada con una espicha nel llagar Bernueces en Xixón.
Esti ye el programa:
11:00 hores: CHARRA "Una mirada a la tradición na provincia d'Albacete: música, bailles y indumentos" Grupu Abuela Santa Ana
Teatru Riera de Villaviciosa. Entrada llibre y de baldre
16:30 hores: TALLER DE BAILLE TRADICIONAL Grupu Abuela Santa Ana
Plaza cubierta de Villaviciosa. Entrada llibre y de baldre
19:30 hores: MUESTRA DE FOLCLOR Conceyu de cultura tradicional Vezos Astures y Grupu Abuela Santa Ana
Teatru Riera de Villaviciosa. Entrada llibre y de baldre
22:00 hores: ESPICHA Llagar de Bernueces, Bernueces (Xixón) Entrada 25 €
Acuta antes del 9 de payares nel 644 204 276 o en Esta dirección de correo electrónico está protegida contra spambots. Usted necesita tener Javascript activado para poder verla.
Dia'l traxe'n Grau
El domingu 16 d'ochobre va entamase en Grau'l Dia'l traxe'l país.
Ye un día que facía falta, porque ye necesariu ponelu en valor. El traxe ye una parte de la nuesa cultura tan importante como les otres, y munches veces no lu tratamos como se merez. Llevalu con rigor y con orguyu ye una obligación. Y esti domingu vamos disfrutar pol mercao de Grau vistios como se facía na segunda metá del siglu XIX.
Va facese tamién un concursu con premios pa los traxes que el xurao considere los meyores. Pero esi día, el que gana ye el paxellu tradicional.
Nueche Blanca d'Uviéu
En Vezos Astures va munchos años que llevamos estudiando y trabayando na indumentaria del cuadru «Filandón en Monasterio de Hermo», de Luis Álvarez Catalá. Llegamos a facer representaciones del cuadru dando-y acción y convirtiéndolu nun espectáculu con cante y baille.
Dientro de la programación de la Noche Blanca d'Uviéu, el sábadu 8 d'ochobre, vamos poder da-y vida, por vez primera xunto a la pintura orixinal, na sala 19 del Muséu de Belles Artes d'Asturies. Nun podemos tar más contentos. Gracies a B. Alto, al Conceyu d'Uviéu, al Muséu, a les amigues que nos van acompañar y a Javier Emperador por aportanos la indumentaria antigua que vamos vistir.
Los pases van ser a les 11 y 12 la noche y a la 1 la mañana. Esperamos que vos preste.
