Les mazcaraes d'iviernu son una manifestación de la nuesa cultura tradicional na que los mozos se mazcaraban de personaxes estremaos pa salir a pidir el guilandu ente los vecinos del pueblu. Nun hai que ser un estudiosu pa dase cuenta qu'esta tradición tien un raigañu bien fondu nos vieyos sieglos anteriores al cristianismu anque anguaño coincidan nel mesmu momentu del añu..
De manera xeneral los mozos salen ente navidá y antroxu pa facer esti tipu de mazcaraes, nel casu asturianu caltiénense a entamos d'añu; A Reisada en Tormaleo, Os Reises en Valledor, Los Sidros y Les Comedies en Valdesosto y El Guirria de Ponga.


El Conceyu de Cultura Tradicional Vezos Astures recuperó en collaboración con vecinos, amigos y Xosé Ambás, Os Reises de Valledor nel añu 2008, un trabayu pa facer continuar esta mazcarada nel sieglu XXI y qu'anguaño continúa la asociación Reises de Valledor

Esti trabayu de recuperación quedó rexistráu nel 2010 nun DVD documetal nel que se recueye tantu la cellebración de Os Reises como entrevistes a los vecinos y material etnográficu aportado por Xosé Ambás. Puedes ver la promo del Dvd nel apartau "Mazcaraes" de los videos.

 

Portada DVD Os Reises

 

Si te interesa, puedes facete con él na tienda de indumentaria tradicional Vezos y Costumes de Xixón, tamién puedes ponete en contautu con nós al traviés del nuesu corréu.